Densaýlyq saqtaý isinde júıeli em alý ǵana óz nátıjesin beredi. Al naýqastardyń júıeli em alýy úshin olar qoldanatyn medısınalyq preperattardyń qoljetimdi bolýy mańyzdy. Bul oraıda bıyl oblysta tegin dári-dármekpen qamtýǵa 4 mıllıard teńgedeı qarjy qarastyrylyp, jyl basynan atalǵan qarjynyń 85,7 paıyzy maqsatty ıgerilip úlgerdi, dep jazady Qamshy.kz aqparattyq agenttigi.

Tegin dári-dármek dáriger usynǵan reseptidegi preparattardy alýǵa múmkindigi joq turǵyndar úshin úlken kómek sanalady. Sol sebepten de medısınalyq qyzmet sapasynyń joǵarylylyǵyna qol jetkizýde tegin dári-dármekpen qamtý isin bóle jara qaraýǵa bolmaıdy.

–Aǵymdaǵy jyldyń qazan aıynda jyl basynda berilgen búdjettik ótinimniń qajettiliginen dárilik zattar men medısınalyq buıymdardyń 85,7 paıyzy jetkizildi. Óńirdegi medısınalyq uıymdar 449 ataý boıynsha qajetti ambýlatorıalyq dári-dármekpen qamtamasyz etildi. Bul maqsatta 4 mıllıard 79 myń teńgedeı qarjy jumsaldy.

Qazirgi ýaqytta oblys ákimdiginiń densaýlyq saqtaý basqarmasy dári-dármekpen qamtamasyz etýdiń aqparattyq júıesimen jumys jasaýǵa kóshti. Onda tutynýshylar men naýqastar úshin barlyq málimetter onlaın-rejımde qoljetimdi etilgen. Jyl basynan beri respýblıkalyq búdjet esebinen 97 252 naýqas qajetti 398 636 dana preparatmen qamtyldy. Bul maqsatqa 3 mıllıard 851 mıllıon 500 myń teńgedeı qarjy jumsaldy. Al jergilikti búdjetten bólingen 540 mıllıon teńgege 98 naýqasqa qajetti dárilik preperattar satyp alyndy. Qazaqstan Respýblıkasy Densaýlyq saqtaý mınıstrliginiń uıryǵyna sáıkes dárilik zattarmen jáne medısınalyq buıymdarmen tıisti pasıentter tobyn qamtamasyz etýde biryńǵaı farmasevtıkalyq aqparattyq júıesine ótinim berildi. Bul ótinimde medısınalyq uıymdarǵa qajetti dárilik zattar men medısınalyq buıymdarǵa qajettilikke saı ótinim beriledi. Basqarma tarapynan naýqastardy dári-dármektermen qamtamasyz etý kezinde narazylyqtar týyndamas úshin tegin dári-dármek alǵan naýqastar arasynda arnaıy monıtorıń te júrgizilýde. Bul monıtorıńke saı basqarma mamandary tegin dári alǵan naýqasqa telefon shalyp, onyń preparat alýda kezikken qıyndyqtary jaıynda surastyrady,–oblys ákimdiginiń densaýlyq saqtaý basqarmasynyń basshysy Marat Jumanqulov.